Pavlodarda qaýipsizdik beldigin elemegen 8 myńǵa jýyq júrgizýshi jazalandy
PAVLODAR. KAZINFORM - Qaýipsizdik beldigin taqpaǵany úshin 5 AEK mólsherinde aıyppul qarastyrylǵan. Bul jaýapkershilik júrgizýshiniń jeke ózine de, qaýipsizdik beldigin taqpaǵan jolaýshylardy tasymaldaǵany úshin de qoldanylady.
Tártip saqshylarynyń sózinshe, eskertýlerge qaramastan, keıbir avtokólik júrgizýshileri qaýipsizdik beldigin taǵýdy áli de elemeıdi. Biri beldik qozǵalysty shekteıdi dep sanasa, endi biri jaısyzdyqqa shaǵymdanady nemese jolǵa shyǵar aldynda beldik taǵýdy umytyp ketedi.
- Qaýipsizdik beldigi jol-kólik oqıǵasy kezinde aýyr jaraqat alý jáne ólim qaýpin aıtarlyqtaı tómendetedi. Kólik soqtyǵysqan nemese kenet tejelgen jaǵdaıda ol júrgizýshi men jolaýshylardy ustap qalyp, kólik salonynyń elementterine soǵylýdan, kólikten syrtqa laqtyrylýdan qorǵaıdy, – dep habarlady Pavlodar oblysynyń polıtsııa departamentinen.
Polıtsııa dereginshe, jyl basynan Pavlodar oblysynda qaýipsizdik beldigin taqpaı kólik basqarǵan 7893 júrgizýshi anyqtalǵan. Ereje buzǵandar ákimshilik jaýapkershilikke tartylyp, aıyppul arqalaǵan. Elimizde qaýipsizdik beldigin taqpaǵandarǵa 5 AEK mólsherinde aıyppul salynady.
Buǵan deıin Pavlodardaǵy oıqy-shoıqy jol júk kólikterine shyǵyn keltirip otyrǵanyn jazǵanbyz.
Sondaı-aq, pavlodarlyq eki turǵynnan 60 keli marıhýana tabyldy.
