Pavlodarda qatty daýyl turǵyn úıler men ǵımarattardyń shatyryn julyp áketti
PAVLODAR. QazAqparat – Oblys ortalyǵynda birqatar nysandardyń shatyry tabıǵattyń tosyn minezine tótep bere almaı qaldy, dep habarlaıdy pavlodarnews.kz.
Oblystyq TJD baspasóz qyzmetiniń málimetinshe, Astana kóshesi, 143 mekenjaıy boıynsha «Dom pechatı» jáne Zelenstroı shaǵynaýdanyndaǵy Dónentaev kóshesi, 3 mekenjaıy boıynsha jeke turǵyn úıdiń shatyrlary ushyp ketken. - Ázirge basqa mekeme-uıymdar men aýdandardan daýyl saldarynan zardap shekkeni týraly habarlama túspedi. Qazirgi tańda TJD qyzmetkerleri men tehnıkalar oqıǵa ornyna shyǵýda, - deıdi departamentte.
Dese de, áleýmettik jeli qoldanýshylary qalanyń basqa núktelerinen de ushyp
ketken shatyrlar túsirilgen sýretter men vıdeolardy jarııalaýda.
Ázirge daýyl saldarynan
keltirilgen shyǵyn kólemi belgisiz.
Aıta keterligi, «112» qyzmeti Pavlodar oblysynda 2 tamyz kúni jeldiń
uıytqýy sekýndyna 15-28 metrge deıin jetetini týraly eskertken bolatyn.
