Pavlodarda kásiporynnan 25 mln teńge urlaǵan adam ustaldy
ASTANA. KAZINFORM – Pavlodarda kásiporynnan shamamen 25 mln teńge urlaǵan kúdikti ustaldy, — dep jazdy Polisia.kz.
Polıtsııaǵa Pavlodar qalasyndaǵy JShS birinen aqsha urlanǵany týraly habarlama kelip tústi. Keltirilgen shyǵyn kólemi shamamen 25 mln teńge boldy. Jedel-izdestirý is-sharalarynyń nátıjesinde jedel ýákilder kásiporynnyń kúzetshisi bolǵan kúdiktini anyqtady.
Polıtseıler baý-baqsha seriktestikteriniń birindegi saıajaı ýchaskesinde tintý júrgizý barysynda 24 mln teńge kólemindegi aqsha qarajatyn tapty. Aqsha alma aǵashynyń túbindegi kastróldiń ishine jasyrylǵan.
- Kúdikti ustalyp, Pavlodar qalasy polıtsııa basqarmasynyń ýaqytsha ustaý ızolıatoryna qamaldy. Tárkilengen aqsha qarajaty qylmystyq is materıaldaryna zattaı dáleldeme retinde tirkeldi, — deıdi Pavlodar qalasy PB polıtsııa basqarmasynyń bastyǵy Balǵabaı Qaparov.
Qazirgi ýaqytta tergeý amaldary jalǵasyp jatyr. Oqıǵanyń barlyq mán-jaıy anyqtalady.
Pavlodarda úıge tereze arqyly kirip, aqsha urlaǵan kúdikti ustalǵanyn jazǵan edik.
