Pavlodarda jumysshylarǵa 737 mln teńge eńbekaqy tólemegen kásiporyn anyqtaldy
PAVLODAR.KAZINFORM - Pavlodar qalasynda prokýratýranyń aralasýynan keıin 737 mln teńge kólemindegi eńbekaqy qaryzy óteldi.
Azamattardyń eńbek quqyqtaryn qorǵaý – prokýratýra organdarynyń qadaǵalaý qyzmetindegi basym baǵyttardyń biri.
Bas prokýratýra málimetinshe, buqaralyq aqparat quraldaryna júrgizilgen monıtorıng barysynda Pavlodar qalasyndaǵy qala quraýshy kásiporyndardyń birinde 2025 jylǵy qyrkúıek aıy úshin eńbekaqy tólemeý faktileri anyqtaldy.
Júrgizilgen taldaý nátıjesinde bul derekter dálelin tapty. Prokýrorlyq qadaǵalaý aktisiniń negizinde 737 mıllıon teńge kólemindegi eńbekaqy qaryzy qysqa merzim ishinde tolyq óteldi. Nátıjesinde 3 380 jumyskerdiń konstıtýtsııalyq quqyqtary qorǵaldy.
– Pavlodar qalasy prokýratýrasy jumys berýshilerge eńbek zańnamasynyń talaptaryn qatań saqtaý, eńbekaqyny ýaqytyly ári tolyq tóleý qajettigin eske salady, - delingen habarlamada.
Aıta keteıik, SQO-da 104 mln teńgege jýyq eńbekaqy qaryzy qaıtaryldy.