Pavlodarda kásipkerlik salasyndaǵy qylmystar 3 ese azaıǵan

ASTANA. KAZINFORM - Sotqa deıingi tergep-biryńǵaı tizilimi derekterine sáıkes, byltyr aımaqtaǵy kásipkerlik salasynda 12 qylmys tirkelgen.

Ertis-Baıan óńiriniń kásipkerlik ortadaǵy qylmystar sany aıtarlyqtaı tómendegeni baıqalyp otyr. 2023 jyly - 43, 2024 jyly – 37 derek tirkelse, ótken jyly nebári 12 derek anyqtalǵan

- Eń kóp tirkelgen quqyqbuzýshylyqtar – jumystardy naqty oryndamaı shot-faktýra jazý (7 derek). Qylmystar sanynyń azaıýy kásipkerlik ortadaǵy oń ózgeristerdi jáne bıznesti qorǵaý boıynsha qabyldanyp jatqan sharalardyń tıimdiligin baıqatady, - dep atap ótti óńirlik kásipkerler palatasynan.

Jalpy alǵanda, qabyldanyp jatqan is-sharalar kásipkerler úshin quqyqtyq kepildikterdi nyǵaıtýǵa jáne quqyq qorǵaý organdarynyń aldyn alý jumysynyń tıimdiligin arttyrýǵa yqpal etip otyr.

- Mundaı statıstıka qýantpaı qoımaıdy. Óńirimizdiń bıznesi qoldanystaǵy zańnamaǵa sáıkes jumys istegeni mańyzdy, ári kásipkerlik sýbektileriniń zańmen baılanysty máseleleri azaıyp keledi, - deıdi oblystyq kásipkerler palatasynyń dırektory Erqanat Ábenov.

Eske sala keteıik, JI-diń arqasynda 22 jastaǵy úsh kásipker mıllıarder atandy.