Pavlodarda kásiporyn basshylyǵynan 52 mln teńge bopsalaǵan kúdikti ustaldy

PAVLODAR. QazAqparat - Pavlodarda kásiporyn basshylyǵynan 52 mln teńgeden astam aqsha bopsalaǵan kúdikti ustaldy. Ol qaladaǵy ýaqytsha ustaý ızolıatoryna qamaldy, dep habarlaıdy QazAqparat Ravlodarnews.kz saıtyna silteme jasap.

Oblystyq polıtsııa departamenti baspasóz qyzmetiniń málimetinshe, 23 aqpanda Pavlodar qalasynda arnaıy is-sharalar barysynda polıtseıler bopsalaý kúdigi boıynsha 40 jastaǵy qala turǵynyn ustaǵan.

- Er adam 2020 jyldyń sáýir - qyrkúıek aılary aralyǵynda Pavlodardaǵy JShS biriniń bas dırektory men dırektorynan 52 mln 80 myń teńge kóleminde aqshalaı qarajat bopsalaǵan dep kúdiktelýde, - dep habarlady Pavlodar oblysy polıtsııa departamentiniń bastyǵy Vasılıı Sklıar.

Atalǵan fakti boıynsha Qazaqstan Respýblıkasy QK-niń 194-baby 4-bóligine sáıkes sotqa deıingi tergeý júrgizilýde.