Pavlodarda qarjy pıramıdasynyń ókilderi salymshylardyń aqshasyna páter satyp alǵan

ASTANA. KAZINFORM – 2024 jyldyń naýryz ben qyrkúıek aılary aralyǵynda kúdiktiler «TAKORP» qarjy pıramıdasyn basqarǵany anyqtaldy. Ol AQSh-taǵy jarnamalyq qosymshalar platformasy retinde qyzmet etken.

Qatysýshylardy tirkeý úshin elektrondyq krıptobırja «OKH» arqyly krıptovalıýta satyp alýdy usynǵan.

Negizgi sharttardyń biri keminde 5 jańa salymshy tartý bolǵan. Bul shartty oryndaý arqyly qundy syılyq utyp alý múmkindigine kepildik berilgen. 50-den astam azamat osy ýádelerge senip, 30-dan 500 AQSh dollaryna deıin aqsha salyp, óz deńgeıine qaraı 2 myń AQSh dollaryna deıin bonýstar alýǵa úmittengen. 

Qylmystyq kiristiń jalpy somasy 50 mln teńgeden asty. Kúdiktiler salymshylardyń aqsha qarajatyna Pavlodar qalasynda 10 mln teńgege páter satyp alyp, bankterde 8 mln teńge somasyna 4 depozıt ashqan.

Sot sanktsııasymen jyljymaıtyn múlik pen aqsha qarajattaryna tyıym salyndy. Kúdiktilerge qatysty «úıqamaq» jáne «elden ketpeý týraly qolhat» túrinde shara qabyldandy.