Pavlodarda káriz qudyǵyna túsken 4 jumysker belgisiz gazdan ýlanyp qaldy

PAVLODAR. KAZINFORM — Pavlodar oblysynyń Sharbaqty aýylynda káriz júıesinde jumys istep júrgen 4 adam belgisiz gazdan ýlanǵan. Olardyń ekeýi aýyr jaǵdaıda Pavlodar qalasyna jetkizildi.

Bul týraly Óńirlik jedel járdem stansasynan habarlady.

— Sharbaqty aýylynan adamdardyń ýlanǵany týraly shaqyrtý tústi. Belgili bolǵandaı, 1956, 1975, 1982 jáne 1992 jylǵy týǵan er adamdar káriz qudyǵyna túsip, tehnıkalyq jumystar júrgizgen. Jumys barysynda belgisiz gazdan ýlanǵan. Olar birden aýdandyq ortalyq aýrýhanaǵa jetkizilgen. Keıinirek ekeýiniń jaǵdaıy aýyrlaı túskeni sebepti medıtsınalyq avıatsııanyń reanımobılimen Pavlodar qalasyna jetkizildi, -dep málimdedi oblystyq jedel járdem stansasynyń baspasóz qyzmetinen.

68 jáne 42 jastaǵy eki naýqas Pavlodar qalalyq № 3 aýrýhanasynyń toksıkologııa bólimshesine jatqyzylǵan.

Eske sala keteıik, buǵan deıin Pavlodarda kondıterlik fırmanyń quımaǵynan tórt adam ýlanyp qalǵan edi.