Pavlodarda qarttarǵa arnalǵan «Altyn ýaqyt» pansıonatynan shý shyqty
ASTANA. QazAqparat - Pavlodarlyq turǵyn Galına Mıhaılova «Altyn ýaqyt» pansıonatyna eki kúnge qaldyrǵan 79 jastaǵy anasynyń soqqyǵa jyǵylǵanyn málim etti, dep habarlaıdy ravlodarnews.kz.
Jolserik bop qyzmet etetin Galına Mıhaılovanyń aıýynsha, ol shuǵyl jumysqa shaqyrtylýyna baılanysty anasyn úsh kúnge aqyly pansıonatqa tapsyryp ketken. Egde jastaǵy adamǵa bas-kóz bolar adam tappaǵan soń osylaı jasaýǵa májbúr bolǵan. Al, qaıtyp oralǵanynda kók ala qoıdaı sabalǵan anasynyń túrin kórip, jaǵasyn ustaǵan. ıÝlııa Pavysheva biraz jyldan beri aqyl-esiniń aýytqýy dertine shaldyqqan. Sondyqtan da qyzy pansıonat qyzmetkerleriniń "onyń tósekten qulap ketti" degen sózine sene alar emes. - Anamdy ıterip jibergen nemese uryp-soqqanǵa uqsaıdy. Óıtkeni, jaı ǵana qulaǵannan mundaı jaraqattardyń bolýy múmkin emes. Muny ózim alyp barǵan dáriger de rastap otyr. Naqty qandaı jaǵdaıdyń bolǵanyn endi quzyrly organdar anyqtaýy tıis. Pansıonattaǵylar onyń túnimen kirpik qaqpaı, biraz ábigerge salǵanyn aıtýda. Aqyry tósekten qulap, basyn soǵyp alypty. Sol sátte oǵan alǵashqy kómek kórsetken kezekshi tún ishinde jedel járdem shaqyrtpaýdy jón sanaǵan. Endi ol bul qylyǵy úshin jazalanǵan kórinedi. Bet-aýzynan bólek, sol qolynyń bas barmaǵy da synǵan. On jaq ıyǵyn qatty aýyrtyp alypty. Polıtsııaǵa shaǵym túsirdim. Mán-jaıdy anyqtaý úshin arnaıy saraptama da taǵaıyndaldy, - deıdi Galına Mıhaılova.
«Altyn ýaqyt» pansıonatynyń jetekshisi Lıýdmıla ıAtsenkonyń sózinshe, kezekshilikte bolǵan qyzmetker shynymen de jedel járdemge qońyraý soǵýdy jón kórmegen. Dárigerdi tańerteń kelgen basqa kezekshi men medbıke shaqyrtqan. - Osy óreskel qateligi úshin ony jumystan shyǵarý týraly buıryq daıyndap qoıdyq. Al, qarııanyń jaǵdaıyn medbıkemiz kúnde úıine baryp baqylap júr, - deıdi ol.
Oblystyq ІІD baspasóz qyzmetiniń málimetinshe, qazir bul jaıtqa qatysty QR QK «Densaýlyqqa qasaqana ortasha dárejedegi zııan keltirý» baby boıynsha is qozǵalyp, tekseris bastalǵan. Qazirgi tańda qarııa úıinde em-dom alýda. Biraq oryn alǵan jaǵdaıdan keıin múlde sóıleýden qalǵan. Muny qatty shoshyp qalǵanymen baılanystyrǵan jaqyndary endi sumdyq jaıttyń aq-qarasyn polıtseıler anyqtaıdy degen senimde.
Aıta keterligi, «Altyn ýaqyt» pansıonaty osydan eki jyl buryn ashylǵan. 24 orynǵa shaqtalǵan mekemege kez kelgen azamat kúnine 2 myń teńge tólep, zeınetkerlik jasyna shyqqan áke-sheshesin ýaqytsha qaldyryp kete alady.
