Pavlodarda kartopty qymbat baǵaǵa satyp kelgen 8 dúkenniń ıesi jazalandy

PAVLODAR. KAZINFORM - Jergilikti dúkenderdiń keıbiri kartoptyń kelisin 350 teńgeden alyp, 420 teńgege satqan. Ústeme baǵa 20 %-ǵa deıin óskeni anyqtaldy.

Oblystyq Saýda jáne tutynýshylardyń quqyqtaryn qorǵaý departamenti kartoptyń saýda ústemesin 16,4%-dan 20 %-ǵa deıin negizsiz arttyrǵan saýda dúkenderin anyqtady.

- Departament qyzmetkerleri Pavlodar qalasy boıynsha 10 kókónis dúkenin jospardan tys tekserip shyqty. Nátıjesinde olardyń 8-inde kartoptyń tym qymbatqa satylyp jatqany belgili boldy. Ústeme baǵaǵa bekitilgen shek 15%-dan aspaýy kerek bolsa, bul dúkender 16,4%-dan 20 %-ǵa deıin arttyryp jibergen. Olar ónimniń kelisin 350 teńgeden satyp alyp, tutynýshylarǵa 420 teńgeden saýdalaǵan, - dep habarlady Pavlodar oblysy boıynsha Saýda jáne tutynýshylardyń quqyqtaryn qorǵaý departamenti basshysynyń orynbasary Nursulý Áýbákirova.

QR «Saýda qyzmetin retteý týraly» zańyna sáıkes saýda oryndary ákimshilik jaýapkershilikke tartylǵan.

Buǵan deıin Pavlodardaǵy «Rahmet» bazarynda kartopqa ústeme baǵany asyryp jibergen jetkizýshi jaýapqa tartylǵan bolatyn. 

Sondaı-aq Pavlodarǵa qymbat kartoptyń qaıdan kelgeni týraly jazǵanbyz.