Pavlodardyń aýyldyq jerlerinde memlekettik qyzmetshiler jetispeıdi
PAVLODAR. KAZINFORM -Óńirdegi memlekettik qyzmette áıelderdiń úlesi 70 %-dan asyp otyr. Al 35 jasqa deıingi qyzmetshiler sany 28 %-dyń ústinde.
Ertis-Baıan óńirindegi memlekettik qyzmetshilerdiń shtattyq sany 4074 bolsa, búginde onyń 421-i bos tur. Bos turǵan vakansııalardyń kóbi aýyldyq jerlerge tıesili.
- Qazirgi tańda aımaqtaǵy memlekettik qyzmetshilerdiń ortasha jasy - 41,6, ortasha eńbek ótili - 12,6 jyl. Mekemelerde eńbek etetin 35 jasqa deıingi mamandardyń sany jalpy qyzmetshilerdiń 28-%-yn quraıdy. Al áıelderdiń úlesi - 70 %. Ókinishke qaraı, aýyldyq jerlerde maman jetispeýshiliigi anaǵurlym aıqyn baıqalady. Mysaly aýyldyq jerlerde býhgalterler joq. Sosyn bizde jeke-dara jumys isteıtin bólimder bar, olarda da tapshylyq qalyptasqan. Kommýnaldyq bólimder, turǵyn úı sharýashylyq bólimderi, qurylys bólimderinde adam jetispeıdi,-deıdi QR Memlekettik qyzmet isteri agenttiginiń Pavlodar oblysy boıynsha departamentiniń basshysy Ashat Iskendırov.
Bıyl aımaq boıynsha 13 memlekettik laýazym ıesi rotatsııaǵa jatady. Bul qatarda oblystyq bilim berý, jumyspen qamtýdy úılestirý jáne áleýmettik baǵdarlamalar, mádenıet, qurylys, qarjy basqarmalary basshylarynyń orynbasarlary, Pavlodar qalasy ákiminiń orynbasary bar.
Sondaı-aq , Ekibastuz qalasy, Jelezın, Pavlodar, Tereńkól aýdandary ákimderiniń orynbasarlary da ózge jerlerge aýystyrylýy yqtımal.
Eske sala keteıik, Ertis-Baıan óńirinde 26 myńnan astam jumys ornyn qurý kózdelip otyr