Pavlodarda qart zeınetkerdi ákki alaıaqtar telefon arqyly aldap ketti
ASTANA. QazAqparat - Pavlodar oblysynda 83 jastaǵy zeınetker áıelge «ulynyń jol-kólik oqıǵasyna tap bolǵany» týraly jalǵan áńgime aıtyp, ony aldap ketken alaıaqtarǵa izdeý jarııalandy, dep habarlaıdy «QazAqparat» HAA tilshisi Pavlodar oblysynyń ІІD-niń VKontakte jelisindegi málimetke silteme jasap.
Zeınetkerge bóten bireý habarlasyp, ulynyń kólikpen bireýdi qaǵyp ketkeni týraly jalǵan aqparat bergen. Buǵan qosa alaıaq daýysyn birden qubyltyp «Anashym, osyndaı jaǵdaıǵa tap boldym, tergeýshimen sóılesshi» dep ájeni aldap soqqan. Odan keıin alaıaq ájeniń ulyn bostandyqqa shyǵarý úshin 100 myń teńge talap etken.
«Alaıaq aqshany balkonnan laqtyrýdy buıyrǵan. Osy kezde áje tipti ulyna bir ret qana qońyraý shalyp, oqıǵanyń mán-jaıyn anyqtaýdy oılamaı qalsa kerek. Uly úshin qorqyp, alaıaqtyń aıtqanyn oryndaǵan», - delingen habarlamada.
Qazirgi ýaqytta atalǵan oqıǵa boıynsha QR QK-niń 190-baby (alaıaqtyq) boıynsha sotqa deıingi tergeý amaldary bastalyp, qylmyskerge izdeý jarııalandy.
«Egde jastaǵy adamdar alaıaqtardyń mundaı qaqpanyna jıi túsip qalyp jatady. Bóten bireý qońyraý shalyp, osyndaı áńgime aıtsa birden tutqany qoıa salǵan abzal. Mundaı adamdar habarlassa, birden polıtsııa qyzmetkerlerine habar berý kerek», - dep eskertedi oblystyq ІІD.
Illıýstratsııalyq foto
