Pavlodarda qaraýsyz maldyń kesirinen birneshe kólik apaty boldy
5 jol-kólik oqıǵasy saldarynan bir adam qaza bolyp, 8-i túrli jaraqat alǵan – bıylǵy jyldyń basynan beri Pavlodar oblysynyń avtojoldarynda qaraýsyz qalǵan maldyń kesirinen jasalǵan jol-kólik oqıǵasynyń statıstıkasy osyndaı.
«Búginde óńirde malǵa arnalǵan 146 aıyppul turaǵy jumys isteıdi, onda bıyl baqylaýsyz jaıylyp júrgen 15000-nan astam mal qamalǵan. Mysaly, 24 qyrkúıekte Pavlodar-Qyzylorda avtojolynda eki fakti anyqtaldy. Birinshi jaǵdaıda, Pogranıchnık aýylynyń janynda jol boıynda jylqylar kórindi. Sharýa qojalyqtarynyń biriniń 49 jastaǵy shopanyna qatysty ÁQBK 408-baby 1-bóligi boıynsha ákimshilik materıal jasaldy», – dep habarlady Pavlodar oblysy PD Jergilikti polıtsııa qyzmeti bastyǵynyń mindetin atqarýshy Qýanysh Mustafınov.
Ekinshisi, Bereke aýylynyń mańynda avtojol boıynda 10 bas jylqy qaraýsyz qalǵan. Qalqaman aýylynyń turǵynyna qatysty ÁQBtK-tiń 408-baby 1-bóligi boıynsha ákimshilik materıal jasaldy. Quqyq buzýshylarǵa 3 AEK kóleminde aıyppul salyndy.
Kelesi kúni osyndaı fakti Lenın-Ertis-Rýsskaıa Polıana avtojolynyń 78-shaqyrymynda anyqtaldy, onda 50 bas iri qara mal baqylaýsyz jaıyldy. Aqtoǵaı aýdanynyń ýchaskelik polıtsııa ınspektory maldy aıyp turaǵyna aıdady. Jylqy ıesi QR ÁQBK 408-baby boıynsha anyqtalyp, jaýapkershilikke tartyldy. 3 AEK kóleminde aıyppul salyndy.
