Pavlodarda karantınge jabylǵan jataqhanadaǵy eki adamnan COVID-19 tabyldy
NUR-SULTAN. QazAqparat - Pavlodarda jataqhana turǵyndary arasynda koronavırýstyń ári qaraı taralýy týraly epıdemıologtardyń boljamy rastaldy, dep habarlaıdy Habar24.kz.
Saıttan málim bolǵanyndaı, keshe atalmysh jataqhanada turatyn 50 jastaǵy áıel aýrýhanaǵa jatqyzyldy.
Oblystyń densaýlyq saqtaý basqarmasy málim etkendeı, búgin munda eki jańa jaǵdaı tirkelip otyr. Jataqhana jedel shtabtyń sheshimi boıynsha sol túni karantınge jabyldy, al ǵımarat mańaıyna kúzetshiler qoıyldy. Aýqymdy dezınfektsııa júrgizildi.
Eske salaıyq, 50 jastaǵy áıeldiń sońǵy bes kún boıy dene qyzýy kóterilgen, alaıda osy ýaqyt boıy ózin-ózi emdegen. Sonyń saldarynan úı jaǵdaıynda aýyrǵan ár kún saıyn baılanysta bolǵan adamdar sany artyp otyrǵan.
«Jańa eki jaǵdaı boıynsha – olar 1994 jyly týǵan er azamat pen 1958 jylǵy áıel. Olar buryn koronavırýs ınfektsııasy anyqtalǵan áıelmen otbasylyq tıptegi jataqhanada birge turǵan. Qazirgi ýaqytta naýqastar ınfektsııalyq gospıtalde meltserlik bokstarda jatyr»,-deıdi Densaýlyq saqtaý basqarmasynyń baspasóz hatshysy Maqpal Qarjaýbaı.
«Eger klınıkalyq belgiler baıqasańyz, telefonmen habarlaý kerek. Bul týraly aıtyp jatyrmyz. Eshkim tyńdamaǵannan keıin boljaý ǵana qalady. Sol sebepti turǵyndar osy aýyr úlgiden sabaq alýy kerek dep oılaımyn. Medıtsına qyzmetkerleriniń kómegine ýaqytyly júginińiz. Emhanaǵa barýdyń qajeti joq, habarlasyńyz, sizge ózderi keledi, qaraıdy jáne tıisti emdeý túrin belgileıdi. Ótinish, ózińizge jáne densaýlyǵyńyzǵa muqııat bolyńyz», dedi epıdemıologııalyq monıtorıng tobynyń jetekshisi Sáýle Ospanova.
