Pavlodarda karantındik jemisti saýdalaǵan adam jaýapqa tartyldy
ASTANA QazAqparat - Pavlodarda er adam Qyrǵyzstannan jetkizilgen tyıym salynǵan shabdalyny saýdalaǵan. Bul týral Pavlodar oblystyq sotynyń saıty habarlady.
«Pavlodar qalalyq mamandandyrylǵan ákimshilik soty R. esimdi turǵynǵa qatysty QR ÁQB kodeksiniń 400-baby, 2-bóligi, 1-3 tarmaqtary boıynsha karantınge jatqyzylǵan ósimdikti Qazaqstan Respýblıkasynyń aýmaǵyna ákelý, memleket ishinde tasymaldaý jáne karantındik ónimdi saýdalaý boıynsha zańnamany buzýy jónindegi isti qarady», - delingen sottyń baspasózi qyzmeti taratqan habarlamada.
Іs materıaldary boıynsha, R. kóligimen Qaraǵandydan Pavlodar qalasyna karantın salynǵan 160 keli órik jáne shabdalyny jetkizilgen. Jemis Qyrǵyzstanda ósirilgen. Shabdalyny jemir kóbelek zaqymdaǵan. Onyń 14 jáshigi satylǵan. 7 tamyzdaǵy sot qaýlysy boıynsha K. QR ÁQB kodeksiniń 400-baby, 2-bóligi, 1-3 tarmaqtary boıynsha ákimshilik quqyq buzýshylyq jasaǵany úshin dep aıypty dep tanyldy. Oǵan 20 aılyq eseptik kórsetkish kóleminde (45 380 teńge) ákimshilik aıyppul salyndy. Al 115 keli karantındik ónim tárkilendi.
Sot qaýlysy zańdy kúshine engen joq.
