Pavlodarda karantın jaıynda 109 baılanys ortalyǵynan surap bilýge bolady
Pavlodar oblysynyń ákimi Ábilqaıyr Sqaqovtyń tóraǵalyǵymen COVID-19-ǵa qarsy is-qımyl jónindegi jedel shtabtyń otyrysy ótti. Qala men aýdan basshylary koronavırýstyń taralýyn boldyrmaý úshin qosymsha shekteý sharalaryn engizýge daıyn ekeni týraly esep berdi.
Blokpost daıyndyǵy týraly Pavlodar oblysy ákiminiń orynbasary Sáken Shaıahmetov esep berdi. Buǵan densaýlyq saqtaý basqarmasynyń, ákimdikterdiń jáne polıtsııa departamentiniń qyzmetkerleri jaýaty.
Sáken Shaıahmetovtyń aıtýynsha, azamattardyń dene qyzýyn ólsheý, saýalnama júrgizý jáne qujattardy tekserý ýaqyty bir mınýttan aspaýy tıis.
Blokpostar barlyq qajettiliktermen, onyń ishinde beınekameramen jabdyqtalǵan. Jedel den qoıý ortalyǵyna túsiretin kadrlar jaǵdaıdy tikeleı baqylaýǵa múmkindik beredi.
Al, jedel den qoıý ortalyǵynyń jumysyna salalyq basqarma basshylarynyń orynbasarlary tartylǵan. Óıtkeni, blokpost boıynsha kezekshilermen tikeleı baılanysta bolý jáne týyndaǵan máselelerdi jedel sheshý – olardyń tikeleı mindeti.
- Jedel den qoıý ortalyǵy blokpostar men basqarmalar arasynda tikeleı baılanys bolýy úshin qurylǵanyn atap ótkim keledi. Mundaı ózara is-qımyl azamattardyń blok beketterdi zańsyz kesip ótýine baılanysty máselelerdi tez ári áýre-sarsańsyz sheshýi tıis. 9 qarashadan bastap engiziletin shekteýler boıynsha 109 biryńǵaı baılanys ortalyǵynyń operatorlary oblys turǵyndaryna táýlik boıy keńes beredi, - dep málimdedi Sáken Shaıahmetov.
Sonymen qatar, oblys ákiminiń orynbasary Pvlinfo.kz saıtynda qazir tehnıkalyq jumystar júrgizilip jatqanyn túsindirip ótti. Jospar boıynsha, portal dúısenbige qaraı iske qosylady.
Sol sebepti jumys berýshiler tarapynan jańa sharalardyń qoldanylýy týraly ruqsat beretin anyqtamany qaǵaz júzinde qoldaýǵa sanıtarlyq shekteýler engizilgen alǵashqy aptada paıdalanýǵa ruqsat beriledi.
Ár blokpostyń jumysyna oblys ákiminiń orynbasary arnaıy bekitilgen. Sonymen qatar, Sáken Shaıahmetovtyń aıtýynsha, óńirdegi monıtorıng toptarynyń sany 118-ge deıin artty.
Endi árbir aýyldyq okrýgte bir, al árbir aýdan ortalyǵynda eki top qyzmet etetin bolady. Pavlodar, Ekibastuz jáne Aqsý qalalarynda jumys isteý úshin taǵy jańa 5 nemese 8 mobıldi top qosylady.
Pavlodar oblysynyń ákimi Ábilqaıyr Sqaqov qala jáne aýdan ákimderiniń esebin tyńdady. Óńir basshysy olarǵa barlyq uıymdastyrý máselelerin jeke baqylaýda ustap, bir-birimen tyǵyz baılanysta jumys isteý qajetigi týraly tapsyrdy.
- Bul rette basqarma basshylary óz-ózinen shettep ketpeýi tıis. Ákimdikter de, basqarmalar da, quqyq qorǵaý organdary da – barlyǵymyz oblys turǵyndarynyń ótinishterine nemese qandaı da bir fors-majorlyq jaǵdaılarǵa jedel den qoıý úshin birlesip, jumys isteýge tıispiz,-dedi Ábilqaıyr Sqaqov.
Oblys ákimi barlyq blokpostqa ózi baryp, olardyń jabdyqtalýy men qyzmetkerlerdiń daıyndyǵyn tekseretinin aıtty.
Foto: Valerıı Býgaev
