Pavlodarda qaramaǵyndaǵy qyzmetker jemqorlyqqa jol bergen basshy jaýapqa tartyldy

Pavlodar oblysy Sybaılas jemqorlyqqa qarsy qyzmetiniń talaby boıynsha Pavlodar oblysynyń Jer resýrstaryn basqarý basqarmasynyń basshysy qyzmettik mindetterin tıisinshe oryndamaǵany úshin sógis túrindegi tártiptik jazaǵa tartyldy, dep habarlaıdy Kazinform agenttigi.

Onyń qaramaǵyndaǵy qyzmetker jalpy qamqorlyq úshin 50 myń teńge kóleminde para alyp, ákimshilik jaýapkershilikke tartylmaǵany anyqtaldy.

«Memlekettik qyzmet týraly» Zańnyń 10-babyna sáıkes, memlekettik organdardyń basshylary qaramaǵyndaǵy memlekettik qyzmetshilerdiń sybaılas jemqorlyq quqyq buzýshylyqtarynyń aldyn alýy tıis.

Bıylǵy jyly aımaqta QR Qylmystyq-protsessýaldyq kodeksiniń 200-baby boıynsha barlyǵy 30 usynys túsken. Olardy qaraý qorytyndysy boıynsha 6 tulǵa ákimshilik jaýapkershilikke, 45 adam - tártiptik jaýapkershilikke tartyldy (4 adamǵa eskertý, 12 adamǵa sógis, 14 adamǵa qatań sógis, 9 adamǵa qyzmettik mindetterin tolyq oryndamaǵany týraly eskertý, 2 adam bosatyldy, 4 adam jumystan shyǵaryldy).