Pavlodarda qaraqshylar býkmekerlik keńseni tonap ketti
ASTANA. QazAqparat - Pavlodar qalasynyń tártip saqshylary býkmekerlik keńseni tonap ketken eki jas jigitti ustady, dep habarlaıdy «QazAqparat» HAA tilshisi.
Qylmys qarashanyń 14-nen 15-ne qaraǵan túni tirkelgen.
«Pavlodar qalasynda belgisiz bireýler Krıvenko kóshesindegi býkmekerlik keńsege basa kóktep kirip, pyshaqpen qorqytyp, kúzetshiniń uıaly telefony men keńsege tıesili aqshany qoldy etken. Jedel izdestirý sharalary barysynda quqyq qorǵaýshylar 26 jastaǵy eki jas jigitti qolǵa túsirdi. Úshinshi kúdikti 1987 jylǵy Evgenıı Doronın qashyp júr», - dep habarlaıdy Pavlodar oblystyq ІІD-niń baspasóz qyzmetinen.
ІІD atalǵan adamnyń qaıda ekenin bilgen adamdarǵa «102» nómirine habarlaýdy suraıdy. Polıtsııanyń málimetine súıensek, Pavlodar qalasynda jyl basynan beri 23 qaraqshylyq shabýyl tirkelip, atalǵan isterge qatysty 33 adam qylmystyq jaýapkershilikke tartylǵan.
