Pavlodarda qaraqshydan boıjetkendi qutqaryp qalǵan stýdentter marapattaldy
ASTANA. QazAqparat - Pavlodarda qaraqshydan boıjetkendi qutqaryp qalǵan Maqsat Qapanov, Valerıı ıArshýkov jáne Maqsat Temirshot esimdi stýdentter marapattaldy, dep habarlaıdypavlodarnews.kz.
S.Toraıǵyrov atyndaǵy Pavlodar memlekettik ýnıversıteti baspasóz qyzmetiniń málimetinshe, atalmysh oqý ornynyń metallýrgııa, mashına jasaý jáne kólik fakýltetiniń stýdentteri 2016 jyldyń tamyz aıynda keshke úıge kele jatyp, bireýdiń boıjetkendi tunshyqtyryp jatqanyn kórgen. Ol qyzdyń qolyndaǵy sómkeni julyp alyp, qasha jónelgen. Sol jerde oqıǵaǵa kýá bolǵan jigitter qylmyskerdi ustap alyp, polıtsııa kelgenshe jibermeı turǵan.
Stýdentter Pavlodar qalasy ishki ister basqarmasynyń bastyǵy Baǵlan Baıbýrınovtyń atynan alǵys hatpen marapattaldy. «Pavlodar qalasynyń ІІB basshylyǵy qylmysty ashýǵa kómektesý barysynda erlik tanytqany úshin jastarǵa alǵys bildiredi», - delingen hatta.
