Pavlodarda qaraǵaıdy zańsyz satqandar anyqtaldy
«Pavlodar oblystyq orman sharýashylyǵy jáne janýarlar dúnıesi aımaqtyq ınspektsııasy» mamandarymen birlesip ótkizgen reıd kezinde polıtseıler belgilenbegen jerde zańsyz qaraǵaı saýdalaǵan 11 faktini anyqtady. Quqyqbuzýshylar «Belgilenbegen jerde saýda jasaý» baby boıynsha ákimshilik jaýapkershilikke tartyldy», - dep habarlady Pavlodar oblystyq polıtsııa departamentiniń baspasóz qyzmeti.
Tártip saqshylarynyń sózine sensek, ruqsatsyz kesip alǵan ár shyrsha nemese qaraǵaıǵa brokonerler ortasha eseppen 38 myń teńge tóleıdi.
«Birneshe jyldan beri bizdiń aımaqta, onyń ishinde Shaldaı qaraǵaıly ormanyn otap, olardy oblystaǵy jergilikti pýnktterde satýǵa tyıym salynǵan», - dedi departamenttegiler.
Esterińizge sala keteıik, 17-31 jeltoqsan aralyǵynda Pavlodar oblysynyń polıtseıleri orman qorǵaýshy mekemelermen birigip «Shyrsha» jedel profılaktıkalyq sharasyn ótkizýde.
Avtory Anton Gagarın
