Pavlodarda qar tazalaıtyn tehnıka jeke sektordy jylýsyz qaldyrdy
ASTANA. QazAqparat - Pavlodardyń ońtústik bóligindegi Kırpıchnaıa kóshesi boıynda ornalasqan úıler jylýsyz qaldy.
Mundaı jaǵdaıdyń oryn alýyna qar tazalaıtyn tehnıka sebepker bolǵan, dep habarlaıdy pavlodarnews.kz.
Bul týraly agenttikke qalalyq TÚKSh bólimi basshysynyń orynbasary Ajdar Júsipov málim etti. - "Gorkomhoz" JShS merdigeriniń kósheni tazalap júrgen tehnıkasy qudyqty zaqymdaǵan. Nátıjesinde qudyqtyń qaqpasy kran men japqyshqa qulap, jylý jelilerine aqaý keltirdi, - deıdi Ajdar Júsipov. - Qazirgi tańda barlyq kemshilikter joıylyp, turǵyndarǵa jylý berildi. "Gorkomhoz" keltirilgen shyǵyndy óz moınynan alyp otyr.
Eske sala keteıik, bıyl qar tazalaý jumystary kommýnıkatsııa jelileriniń zaqymdanýyna sebep bolǵan. Ótken demalys kúnderi "Irtysh Alıans" JShS-ne tıesili tehnıka Jetekshi aýylynda qudyqty zaqymdap, kósheni aýyz sýsyz qaldyrdy.
