Pavlodarda qar kúreý jumystaryna 150 tehnıka jumyldyryldy
PAVLODAR. KAZINFORM - Oblys ortalyǵynda qar kúreý jumystary jalǵasyp jatyr. Qazirdiń ózinde 1 myń tekshe metrden astam aq ulpa syrtqa shyǵaryldy.
Pavlodar qalasynda keshe túnnen beri qar jaýyp tur. Qalanyń kommýnaldyq qyzmetteri kóshelerdi ýaqtyly tazartýǵa kóńil bólip, qar tazalaıtyn tehnıkalardy kóbeıtti.
- Qalany qardan tazalaý jumystarynyń sapasyn tekserdim. Búgin bul jumystarǵa kúndiz 150, túnde 50-den astam tehnıka jumyldyryldy. Qazirdiń ózinde 1000-nan astam tekshe metr qar shyǵaryldy. Eń áýeli keptelisterdi boldyrmaý úshin qozǵalysy qarqyndy kósheler, sondaı-aq jaıaý júrginshiler joldary, áleýmettik nysandardyń kireberisi jáne basqa da aýmaqtar tazartylyp jatyr, - deıdi shahar basshysy Hasar Habylbekov.
Turǵyn úı-kommýnaldyq sharýashylyq bólimi túngi aýysymdardyń jumysyn baqylap, tańerteń barlyq aýmaqtarda kóktaıǵaqqa qarsy materıaldar sebedi.
Qaladaǵy kóshelerge qys ýaqytynda sebý úshin 28 myń tonna qum daıyndalǵan.
Eske sala keteıik, Eýropa banki jańa tramvaılar satyp alýǵa 5 mlrd teńge bóledi.
