Pavlodarda qar kúreý jumystary táýlik boıy júrgizilip jatyr

PAVLODAR. KAZINFORM - Pavlodar qalasynda kesheden beri qar jaýyp tur. Kóshe joldary men jaıaý júrginshiler joldaryn qar basyp, qozǵalys qıyndaı túsken.

Jergilikti kommýnaldyq qyzmetter kesheden bastap-aq qardy úzdiksiz kúrep, syrtqa shyǵaryp jatyr.

Pavlodar qalasy ákimdiginiń málimetinshe, kóshelerdi tazalaý 250 jumysshy, 300 arnaıy tehnıka jumyldyrylǵan. Ylǵal kóp túsken ýaqytta kommýnaldyq qyzmetter kúsheıtilgen jumys rejımine kóshedi.

- Kóshelerdiń júris bólikteri men joldar qardan, qatyp qalǵan muzdan arshylyp jatyr. Jumystar eki aýysymmen júrip jatyr. Kúndizgi aýysym saǵat 7.00-den 20.00-ge deıin jumys istese, túngi aýysym saǵat 21.00-den 06.00-ge deıin qyzmet etedi, - dep málimdedi ákimdikten.

 

Áýelgi kezekte ortalyq kósheler, jaıaý júrginshiler joldary, áleýmettik mekemeler men turǵyn úılerdiń kirme joldary qardan arshylyp jatyr. Joldarǵa kóktaıǵaqqa qarsy materıaldar sebilip, qardy mehanıkalandyrylǵan kúrekpen jol jıekterine jınaý júrgizilip jatyr. Avtobýs jáne tramvaı aıaldamalaryndaǵy jolaýshylardy túsirý oryndarynyń tazalyǵy da nazarda.

Qys bastalǵaly oblys ortalyǵynan shamamen 180 myń tonnadan astam aq ulpa shyǵarylǵan.

Eske sala keteıik, Óskemende qar tazalaıtyn merdiger uıymdar tapshy.