Pavlodarda kámelet jasyna tolmaǵan qyzdy ógeı ákesi zorlap kelgen

PAVLODAR. KAZINFORM — Bul týraly zorlyq-zombylyqqa ushyraǵan qyzdyń ózi synyp jetekshisine aıtqan. Kúdikti ustalyp, qylmystyq is qozǵaldy.

Pavlodar oblysyndaǵy aýdandardyń birinde ógeı ákesi mektepte oqıtyn qyzyn zorlap kelgen.

«Aýdandardyń birinde 16 jasqa tolmaǵan qyz bala ógeı ákesi tarapynan jynystyq zorlyqqa ushyraǵany týraly oqıǵa anyqtaldy. Bul jaǵdaı synyp jetekshisiniń arqasynda belgili bolyp otyr. Ol qyzben sóılesip otyryp, biraz ýaqyttan beri ógeı ákesi kámelet jasyna tolmaǵan qyzdy zorlap kelgenin anyqtaǵan. Atalǵan qylmystyq derek barlyq ókiletti organdarǵa, sonyń ishinde maǵan habarlandy», - dep málimdedi óńirlik balalar ombýdsmeni Sáýle Shákenova.

Jynystyq zorlyq-zombylyqtyń qurbany bolǵan jasóspirim medıtsınalyq mekemege jatqyzylǵan, onymen psıhologtar jumys istep jatyr.

Kúdikti ustalyp, ýaqytsha tergeý ornyna qamaldy. Oǵan qatysty QR Qylmystyq kodeksiniń 120-baby boıynsha is qozǵaldy.

Eske sala keteıik, 14 jasar ógeı qyzyn zorlap, júkti qylǵan pavlodarlyq sottaldy.