Pavlodarda Kamaz aýdarylyp, júrgizýshi qaza tapty
PAVLODAR. KAZINFORM — Pavlodar oblysynyń Olgıno aýyly mańynda Kamaz júk kóligi aýdarylyp qalǵan. Saldarynan júrgizýshi qaza taýyp, bir jolaýshy jaraqat aldy.
Oblystyq polıtsııa departamentiniń dereginshe, 3 qazan kúni «Chernoretsk-Olgıno-Ýspenka-Sharbaqty» avtojolynda, Olgıno aýylynan 9 shaqyrym jerde Kamaz avtokóliginiń júrgizýshisi jol qaýipsizdigin qamtamasyz etpeı, kólikti aýdaryp alǵan.
— Jol apaty saldarynan júk kóliginiń júrgizýshisi kóz jumdy. Taǵy bir jolaýshy jaraqat aldy. Jol-kólik oqıǵasy boıynsha qylmystyq is qozǵaldy. Qaıǵyly oqıǵanyń mán-jaıy men sebepteri tergeý barysynda anyqtalatyn bolady, — dep habarlady polıtsııa departamentinen.
Eske sala keteıik, Pavlodarda jeńil kólik jylqyǵa soǵylyp, eki adam qaza boldy.
Al onyń aldynda Pavlodar — Qyzylorda tas jolynda júk kóligi men jeńil kólik soqtyǵysyp, apat saldarynan oqıǵa ornynda 4 jolaýshy men júrgizýshiniń mert bolǵanyn jazǵanbyz.