Pavlodarda KamAZ aýdarylyp, eki adam qaza tapty
PAVLODAR. KAZINFORM — Polıtsııa qaıǵyly oqıǵa boıynsha qylmystyq is qozǵady. Oqıǵanyń mán-jaıy men sebepteri anyqtalyp jatyr.
«Pavlodar-Qyzylorda» avtojolynda KamAZ júk kóligi jol shetine túsip ketip, aýdarylǵan.
— Aldyn ala málimetter boıynsha 3 jeltoqsan kúni Ekibastuz qalasynyń Marǵulan aýylynan 20 shaqyrym qashyqtyqta, «Pavlodar-Qyzylorda» avtojolynda KamAZ-4310 kóligi joldan túsip ketip aýdarylǵan. Oqıǵa saldarynan júrgizýshi men jolaýshy qaza tapty, — dep habarlady óńirlik polıtsııa departamentinen.
Polıtsııa atalǵan jol-kólik oqıǵasy deregi boıynsha qylmystyq is qozǵady. Qaıǵyly jaıttyń mán-jaıy men sebepteri tergeý barysynda anyqtalatyn bolady.
Tártip saqshylary mundaı oqıǵalardyń aldyn alý úshin jol qozǵalysy erejelerin, jyldamdyq rejımin qatań saqtaýdy, kólik quralynyń tehnıkalyq jaǵdaıyn turaqty baqylaýdy eskertedi.
Eske sala keteıik, Pavlodarda ÝAZ kóligi traktor tirkemesimen soqtyǵysyp, jolaýshy kóz jumdy.