Pavlodarda qalalyq perzenthana jabylady

PAVLODAR. KAZINFORM — Sanıtarlyq tekseris nátıjesi boıynsha perzenthana ǵımaraty apatty dep tanylǵan.

Emdeý mekemesi tolyǵymen oblystyq perınataldyq ortalyqqa kóshiriledi.

Oblys ortalyǵyndaǵy № 1 qalalyq aýrýhana janynda oryn tepken qalalyq perzenthana óz jumysyn toqtatady. Ǵımarattyń tozyǵy jetkeni sebepti, ony ári qaraı paıdalaný qaýipti dep tanylǵan.

Perzenthana 1988 jyly salynǵan. Sońǵy júrgizilgen sanıtarlyq tekseris ǵımarattyń apatty jaǵdaıda turǵanyn anyqtaǵan. 

№ 1 qalalyq aýrýhana basshysynyń hırýrgııa jónindegi orynbasary Azamat Qaıtaevtyń aıtýynsha, 2024 jyly perzenthana bólimshesinde bosaný sany 21%-ǵa azaıǵan. Sondaı-aq, tósek-orynnyń naqty júktemesi 26,7%-ǵa kemigen. Kórsetkishterdiń tómendeýi qarjyny tıimsiz paıdalanýǵa ákeletini anyq. Sońǵy jyldary bul ǵımaratta kúrdeli jóndeý jumystary da júrgizilmegen.

— Tehnıkalyq saraptama qorytyndysy boıynsha ǵımaratty paıdalanýǵa ruqsat tek 2025 jylǵa deıin berilgen. Búginde munda 160 adam jumys isteıdi. Onyń 55-i Pavlodar oblystyq perınataldyq ortalyǵyna aýysady. Qalǵandary basqa bólimder men óńirlik aýrýhanalarǵa jumysqa ornalasady. Eger usynylǵan jumystan bas tartsa, zańǵa saı ótemaqy tólenedi. Perınataldyq ortalyqta mundaı kómek kórsetýge tolyq múmkindik bar. Ortalyqtyń qarjylyq resýrsy, keń ǵımaraty jáne qajetti tehnıkalyq jabdyqtary jetkilikti. Qazirgi kezde qyzmetkerlerdy aýystyrý, qural-jabdyqtardy kóshirý jumystary bastalyp ketti. Bul jumystar 1 maýsymǵa deıin tolyq aıaqtalady dep kútilip otyr, — deıdi Azamat Qaıtaev.

Eske sala keteıik, Pavlodarda úshem dúnıege keldi.