Pavlodarda kalıan baryna kelgender tekserýshilerden ájethanaǵa tyǵylǵan

PAVLODAR. QazAqparat – Karantınge baılanysty birqatar mekemelerdiń jumysyna tyıym salynǵanymen, monıtorıng toby kalıan barynda 15-ten asa adamnyń bolǵanyn anyqtady, dep habarlaıdy QazAqparat tilshisi.

«Búgin túnde jergilikti polıtsııa, qalalyq ákimdik jáne sanıtarııa-epıdemıologııalyq baqylaý basqarmasynyń qyzmetkerleri «Malına» kalıan baryn tekserdi. Mundaı mekemelerdiń jumysyna tyıym salynǵanyna qaramastan monıtorıng toby ǵımarat ishinde 15-ten asa adamnyń bolǵanyn anyqtady» dep habarlady tilshilerge Pavlodar ákimdiginiń baspasóz qyzmeti.

Baspasóz qyzmetiniń málimetinshe, mekeme ákimshiligi kelýshilerdi qosalqy bólme men ájethanaǵa jasyryp qoımaq bolǵan.

«Іs materıaldary sheshim qabyldaý úshin sanıtarııa-epıdemıologııalyq baqylaý basqarmasyna jiberiledi» dep tolyqtyrdy derekkóz.