Pavlodarda «Jailau» bazarynda er adam ózin órtemek bolǵan

PAVLODAR. KAZINFORM - Oblys ortalyǵyndaǵy «Jailau» fermerlik bazarynda er adam ózin órtemek boldy. Polıtsııa oǵan qatysty qylmystyq is qozǵady.

Oqıǵa búgin kúndizgi ýaqytta bolǵan. Fermerlik bazarda saýda ornyn jalǵa alǵan er adam ózin-ózi órteýge tyrysqany anyqtaldy.

- Aldyn ala málimetter boıynsha, bul áreketke saýda ornynyń jaldaý aqysyna baılanysty máseleler sebep bolǵan. Polıtsııa qyzmetkerleri oqıǵa ornynda nysan ákimshiligimen birlesip dereý qaýipsizdik sharalaryn qabyldap, jedel járdem brıgadasyn shaqyrdy. Er adammen quqyq qorǵaý organdarynyń qyzmetkerleri áńgimelesti. Qazirgi ýaqytta jaǵdaı turaqtandy,-dep habarlady óńirlik polıtsııa departamentiniń baspasóz qyzmetinen.

Oqıǵanyń mán-jaıy tergeý barysynda anyqtalatyn bolady.

Eske sala keteıik, Pavlodarda turǵyn úıdiń terezesinen qulaǵan áıel jan tapsyrdy.