Pavlodarda ıt ólekselerin qala syrtyna tastaǵandardy izdeýde
PAVLODAR. QazAqparat - Kenjekóldiń veterınar mamandary oblys ortalyǵynan mańaıdaǵy aýylǵa ólekseleri tastalǵan úı janýarlarynyń ıelerin izdeýde.
Jergilikti turǵyndar olardy kómgen jerdi aýylǵa bes shaqyrym jerden jáne mal qorymynyń mańynan baıqaǵan, dep habarlaıdy pavlodarnews.kz.
Veterınarııa mamandary janýarlar atylyp ólmegen, ýlanǵan dep sanaıdy.
"Bul - biz úshin jónsizdik,"- deıdi veterınarııa basqarmasynyń basshysy Qaıyrjan Baıjanov. - Kómýdiń ınfektsııalyq aýrýlardyń taralýyn aldyn alatyn durys amaldary bar. Qańǵybas ıtter men mysyqtardy aýlaý boıynsha reıd kezinde túsken ólikter merdiger uıym arqyly joıylady. Birden arnaıy mal qorymyna aparylady nemese denelerdi órteıtin oshaqqa jóneltiledi".
Kenjekól aýylynyń ákimi Serik Shýaqbaevtyń aıtýynsha, mamandarǵa tehnıkalar bólingen. Barlyq ólekseler mal qorymyna jetkizilip, oryndary arnaıy dezınfektsııalaıtyn eritindilermen tazalanǵan. - Olardy qalanyń bizge jaqyn shaǵynaýdandarynan ákelgen bolý kerek. Bizde janýarlardy aýlaý men olardy joıý tártipke saı júzege asýda, - dedi aýyl ákimi.
