Pavlodarda ınvestorlar elektr qýaty úshin joǵary tarıfpen aqy tólep kelgen

PAVLODAR. KAZINFORM - Prokýrorlar jergilikti monopolıst kompanııa elektr energııasy úshin ınvestorlardan qymbat aqy alyp kelgenin anyqtady.

Pavlodar qalasynyń prokýrorlary 20 kásiporynǵa qatysty elektr energııasyna tarıfterdi qoldaný salasyndaǵy zańbuzýshylyqtardy anyqtady.

- Bul ınvestorlar shyn máninde óńir ekonomıkasyna 400 mlrd teńgeden astam ınvestıtsııa salǵan. Taldaý kórsetkendeı, monopolıst kásiporyndardan jeńildikti qoldanbaı jalpy tarıf boıynsha aqy alǵan. Prokýrorlyq qadaǵalaý aktisin qaraý nátıjeleri boıynsha ınvestorlarǵa jeńildik tarıfi belgilendi, bul elektr energııasynyń qunyn tómendetýge múmkindik berdi, - dep habarlady óńirlik prokýratýradan.

Qabyldanǵan is-sharalar «Pavlodar» arnaıy ekonomıkalyq aımaǵyndaǵy kásiporyndardyń shyǵyndaryn qysqartqan jáne óńirde ınvestıtsııalyq qyzmetti júrgizý úshin neǵurlym qolaıly jaǵdaılardy qalyptastyrýǵa yqpal etken.

Eske sala keteıik, áleýmettik mańyzy bar azyq-túlik óndirýshilerine arnalǵan tarıf jyl sońyna deıin óspeıdi.