Pavlodarda ınternet arqyly alaıaqtyq jasaǵan qylmystyq top ustaldy
PAVLODAR. QazAqparat - Pavlodarda áleýmettik jeli arqyly alaıaqtyq jasady dep kúdikke ilingen qylmystyq top áreketiniń joly kesildi, dep habarlaıdy QazAqparat.
Іs-shara barysynda Pavlodarda ınternette alaıaqtyq jasady degen kúdikpen Pavlodar qalasynyń eki turǵyny ustaldy.
Pavlodarlyq alaıaqtar mynadaı syzba boıynsha jumys jasaǵan: olar ınternette (Kolesa jáne OLX veb-saıttary) avtomobıl bólshekterin arzan baǵamen satatyny týraly jarnama jarııalaıdy. Tapsyrys qabyldap, taýardyń tolyq somasyn bank kartasyna aldyn ala tóleýdi suraıdy jáne tapsyrys berilgen taýardy kýrer arqyly jiberýge ýáde berdi. Aqshany alǵan soń qaskúnemder biraz ýaqyt kýrerdiń nashar jumysyn syltaýratyp, ýaqyt sozady da, keıin telefondy tolyq óshiredi.
Qazirgi ýaqytta 10 adam alaıaqtarǵa aldanǵan. Sátsiz taýar satyp alý kólemi 40-100 myń teńge aralyǵynda boldy.
Kúdiktilerdiń biri Pavlodardaǵy ýaqytsha ustaý ızolıatoryna qamaldy.
Atalǵan fakti boıynsha QR QK 190-babymen qaralǵan sotqa deıingi tergeý júrip jatyr.
