Pavlodarda ınternet arqyly jurtty 40 mln teńgege aldaǵan alaıaqtar toby ustaldy
PAVLODAR. KAZINFORM — Pavlodar oblysynda ınternet-alaıaqtyqtyń birneshe deregine qatysy bar degen kúdikpen tórt adam ustaldy. Tergeý barysynda toǵyz jábirlenýshi anyqtaldy.
Turǵyndarǵa keltirilgen jalpy shyǵyn kólemi 40 mln teńgege jýyqtaǵan. Kúdiktiler aqparattyq tehnologııalardy paıdalanyp, azamattardyń aqshasyn ıemdenýge baǵyttalǵan kelisilgen shema boıynsha áreket etken.
— Jedel izdestirý is-sharalarynyń nátıjesinde ınternet-alaıaqtyqpen aınalysqan adamdar tobynyń zańsyz áreketine tosqaýyl qoıyldy. Tórt kúdikti ustaldy. Búginde tergeý barysynda toǵyz jábirlenýshi anyqtaldy. Keltirilgen materıaldyq shyǵynnyń jalpy somasy shamamen — 40 mln teńge, — deıdi óńirlik polıtsııa departamenti uıymdasqan qylmysqa qarsy kúres basqarmasynyń bastyǵy Ǵabıt Qabdrahmanov.
Quzyrly organnyń málimetinshe, qylmys epızodtary men jábirlenýshiler sany áli de artýy múmkin. Qazir tergeý amaldary jalǵasyp jatyr. Quqyq qorǵaý organdary kúdiktilerdiń árqaısysynyń qylmystyq shemadaǵy rólin, sondaı-aq olardyń osyǵan uqsas basqa da quqyq buzýshylyqtarǵa qatysy bar-joǵyn anyqtap jatyr.
Eske sala keteıik, Pavlodarda polıtseıler qala turǵynynyń 2 mln teńgesin alaıaqtardan saqtap qaldy.