Pavlodarda HI Prezıdenttik olımpıadanyń qalalyq kezeńi ótti
PAVLODAR. QazAqparat - S. Toraıǵyrov atyndaǵy Pavlodar Memlekettik ýnıversıtetinde HI Prezıdenttik olımpıadanyń qalalyq kezeńi ótkizildi, dep habarlaıdy pavlodarnews.kz.
Talantty balalardy qoldaý, jaratylystaný-matematıkalyq baǵytyndaǵy pánderdi oqytýda oqýshylardyń qyzyǵýshylyǵyn arttyrý maqsatynda ótken bilim dodasyna 54 oqýshysy qatysty. Olardyń barlyǵy halyqaralyq, respýblıkalyq pán olımpıadalarynda júldeger atanbaǵan qalanyń jalpy orta bilim berý mektepteriniń 11 synyp oqýshylary.
« Qatysýshylar matematıka, fızıka, bıologııa, hımııa boıynsha tapsyrmalar oryndady. Olımpıada sharty boıynsha kóp upaı jınaǵan 10 qatysýshy HI Prezıdenttik olımpıadanyń qalalyq kezeńine ótkizildi. Endi olar I Prezıdenttik olımpıadanyń aımaqtyq týryna qatysady», - deıdi qalalyq bilim berý bóliminiń mamany Baljan Ádilhanova.
Olımpıada qorytyndysy boıynsha Maııa Ýlıanova (№ 9 gımnazııa-mektebi), Alısher Baıbatchınov, Sultan Іlııas, Valerııa Kýcherenko, Artem Ogırenko (№ 39 JOM), Meıirman Hasen (№ 20 mektep-lıtseıi), Ektarına Dvınıanına (№ 17 JOM), Sergeı Medvedev (№ 42 JOM), Elızaveta Vahrýsheva (№ 16 mekteb-lıtseıi), Dmıtrıı Chıstıakov (№ 17 JOM) oblystyq kezeńde synǵa túsedi. Aıta keterligi, olımpıada úsh kezeń boıynsha uıymdastyrylady: qalalyq, aımaqtyq jáne respýblıkalyq.
