Pavlodarda halal-pıtstserııa ashyldy
PAVLODAR. QazAqparat - Pavlodar oblysynyń ákimi Bolat Baqaýov «Dodo Pıtstsa» franshızasy boıynsha jumys isteıtin otbasylyq tamaqtaný ornynyń ashylýyna qatysty, dep habarlaıdy pavlodarnews.kz.
Munda pıtstsanyń 20 túri men tiske basar, desertter, salattar, pasta men sýsyndar usynylady.
«Zamanaýı tamaqtaný orny tsıfrlandyrý elementterine ıe bolýy tıis», - deıdi óńir basshysy.
Onyń sózinshe, bul dámhanada barlyǵy tsıfrlandyrylǵan, qyzmetkerler planshetter paıdalanady. Mundaıdy barlyq jerlerde engizý kerek. Pavlodar osyndaı otbasylyq oryn ashylǵan úshinshi qala atandy.
«Bizdiń pıtstserııalar jelisi Almaty oblysynda úsh, Qostanaıda eki dámhanany ıelenedi. Bárinde de tamaqty tez ázirlep, tapsyrystardy lezde jetkizýge tyrysady. Pavlodar turǵyndary men qala qonaqtary da muny baǵalaıdy dep úmittenemin», - deıdi Hightower kompanııasynyń basqarýshy dırektory Konstantın Tarasov.
Onyń aıtýynsha, as mázirinde maýsymdyq azyq-túlikter kóp qoldanylady. Jańa jyl qarsańynda dámhanada pıtstsa-olıve usynyla bastaıdy.
«Pıtstserııanyń taǵy bir ereksheligi - munda alkogol satylmaıdy jáne taǵamdar ázirlegende shoshqa eti qosylmaıdy. Munda balalar sheberlik sabaqtaryn ótkizedi. Sondaı-aq qaıyrymdylyq jobalarǵa qatysýǵa nıettimiz. Qonaqtardyń nazaryna balalarǵa arnalǵan bólme men kásibı ústel fýtbol Kicker oıyny, sondaı-aq DODO FM radıostantsııasynyń úzdik ánderi usynylady», - deıdi basqarýshy dırektor.
Onyń sózinshe, tutynýshylarǵa sapaly qyzmet kórsetý maqsatynda reseılik basqarýshy kompanııa aptasyna eki ret «Qupııa satyp alýshy» tekseristerin uıymdastyrady. Tapsyrystar qalanyń kez kelgen aýdanyna bir saǵatta jetkizýge kepildik beriledi. Eger tapsyrys osy ýaqytqa deıin jetkizilmese, dámhana atynan úlken pıtstsaǵa sertıfıkat beriledi. Pıtstserııany salýǵa jumsalǵan ınvestıtsııa 50 mıllıon teńgeni qurady. Jańa tamaqtaný ornynda barlyǵy 35 adam jumys isteıdi dep josparlanǵan. Jumyskerlerdiń jalaqysy 80-150 myń teńge.
Sýretter pavlodarnews.kz saıtynan alyndy
