13:05, 25 Naýryz 2024 | GMT +6
Pavlodarda gúl satatyn dúńgirshek otqa orandy
PAVLODAR. KAZINFORM - Órt jalpy aýdany 20 sharshy metrdi sharpyǵan. Zardap shekkender joq. Bul týraly óńirlik tótenshe jaǵdaılar departamentinen habarlady.
«Búgin saǵat 06.32-de Pavlodar qalasynyń Nazarbaev dańǵyly boıynda ornalasqan gúl satatyn dúńgirshektiń janyp jatqany týraly habarlama tústi. Belgili bolǵandaı, jeke turǵan nysannyń shatyryndaǵy aǵash qurastyrmalary otqa oranǵan. Oqıǵa ornyna jeke quramnyń 5 qyzmetkeri men bir tehnıka jiberildi. Órt sóndirýshilerdiń kúshimen tilsiz jaý 07.03-te tolyq sóndirildi. Onyń jalpy aýmaǵy 20 sharshy metr bolǵany anyqtaldy», - dep málimdedi departamenttiń baspasóz qyzmetinen.
Órttiń shyǵý sebebi men keltirilgen shyǵyn anyqtalyp jatyr. Zardap shekkender joq.
