Pavlodarda Germanııa azamaty balalardy aldap, páterine kirgizbek bolǵan
PAVLODAR. QazAqparat - 63 jastaǵy sheteldikke qatysty «Kámeletke tolmaǵandardy azǵyndatýǵa oqtalý» baby boıynsha sotqa deıingi tergeý jumystary júrgizilip jatyr, dep habarlaıdy «QazAqparat» HAA tilshisi Pavlodar oblystyq ishki ister departamentiniń baspasóz qyzmetine silteme jasap.
Vedomstvonyń baspasóz hatshysy Rýslan Ospanovtyń aıtýynsha, Germanııa azamaty Pavlodarda jaldap turyp jatqan páterine mektep oqýshylaryn ákelmekshi bolǵan.
Bul týraly Whatsapp messendjerinde mektep oqýshysynyń biriniń anasy belgisiz er adamnyń taǵy eki balamen birge páterine alyp kirmekshi bolǵanyn habarlaǵan.
Áıeldiń aıtýynsha, onyń tórtinshi synyp oqıtyn qyzy men onyń dostary úılerine qaıtyp kele jatqan. Jolda olarǵa er adam kezdesip, olardan uıaly telefon satyp alý úshin dúken kórsetýlerin suraıdy. Balalar kelisip, er adam olarǵa balmuzdaq alyp beredi. Telefon satyp alǵannan keıin er adam olardy kóligine otyrǵyzyp, alyp ketedi. Balalar onymen birge toǵyzynsha qabatqa kóteriledi. Er adam páterlerdiń biriniń qońyraýyn basady, alaıda esikti eshkim ashpaıdy. Ol syra satyp alady.
Bul týraly habarlaǵan áıeldiń aıtýynsha, «ol balalarǵa ishimdik ishkizbekshi bolǵan». Balalar qashpaqshy bolyp, lıftke minedi. Biraq, ol birinshi qabatta toqtap qalady. Belgisiz adam olardy qýyp jetý úshin baspaldaqpen túsedi. Oqýshylar qoryqqanynan jylaıdy. Lıfttiń esigine taǵy bir boıjetken keledi. Eresek adam oǵan lıftte óziniń balalarynyń jylap jatqanyn aıtyp, esik ashylǵanda alyp ketetinin jetkizgen. Qyz syrtqa shyǵyp, ata-anasyna habarlasady. Onyń ákesi belgisiz er adamdy ózi ustap alady. Ol polıtsııa kelgenge deıin er adamdy ustap turady. ІІD er adamnyń 1954 jylǵy Germanııa azamaty ekenin habarlady.
