Pavlodarda gaz janýy saldarynan 850-den asa adam evakýatsııalandy
PAVLODAR. KAZINFORM — Pavlodar qalasynda jer astynda ornalasqan gazgolderdegi gaz janyp jatyr.
Qutqarýshylar oqıǵa ornyna jaqyn ornalasqan ǵımarattardan 850-den astam adamdy ózge jerlerge evakýatsııalady. Arasynda oqýshylar da bar.
Bul týraly óńirlik tótenshe jaǵdaılar departamentiniń baspasóz qyzmeti habarlady.
— Oblys ortalyǵyndaǵy gazgolderdegi gazdyń janýy týraly aqparat búgin saǵat 13.31-de tirkeldi. Órt 2 sharshy metr alańdaǵy jerasty gazgolderinde shyqqan. Órt sóndirýshiler gaz-aýa qospasynan shyqqan jalyndy jedel sóndirýge jáne ony salqyndatýǵa kiristi. Oqıǵa ornynda tótenshe jaǵdaılar departamentiniń basqarýymen jedel shtab quryldy. Adamdardyń qaýipsizdigin qamtamasyz etý maqsatynda jaqyn ornalasqan ǵımarattardan 850-den astam adam qaýipsiz jerge kóshirildi. Olardyń arasynda jaqyn ornalasqan № 11 orta mektebiniń oqýshylary da bar. Evakýatsııalanǵan halyqty jylytý úshin 3 avtobýs jáne atalǵan oryndy qorshaýǵa 3 polıtsııa ekıpajy tartyldy, — dep málimdedi baspasóz qyzmetinen.
Eske sala keteıik, Pavlodarda úsh birdeı astyq keptirgishte órt shyqty.