Pavlodarda gazel jol shetinde turǵan jolaýshyny qaǵyp mert qyldy

PAVLODAR. KAZINFORM — Pavlodar — Omby tas jolynda Gazel avtokóligi jol shetinde turǵan jolaýshyny qaǵyp ketken. Apat saldarynan er adam kóz jumdy.

Bul týraly óńirlik polıtsııa departamentinen habarlady.

— 26 tamyz kúni Pavlodar-Omby avtojolyndaǵy Qyzyltań aýylynyń mańynda Gazel avtokóliginiń júrgizýshisi rýlge ıe bola almaı, avtojoldyń shetinde turǵan jaıaý júrginshini qaǵyp ketti. Er adam jedel járdem kóliginde qaıtys boldy, — dep málimdedi polıtsııadan.

Qaıǵyly jol-kólik oqıǵasy boıynsha polıtsııa sotqa deıingi tergeýdi bastady.

Polıtsııa departamenti mundaı oqıǵalardyń aldyn alý úshin jol qozǵalysyna qatysýshylarǵa jyldamdyq rejımin qatań saqtaý jáne kólik quralynyń tehnıkalyq jaǵdaıyn baqylaý mańyzdy ekenin eske salady.

Eske sala keteıik, Batys Qazaqstanda 3 avtokólik soqtyǵysyp, júrgizýshi kóz jumdy.