Pavlodarda Eýro valıýtasyn satyp alýshylar sany artqan
ASTANA. QazAqparat - Pavlodar oblysynda Eýro valıýtasyn satyp alýshylardyń sany artqan, dep habarlaıdy palodarnews.kz.
Bul týraly Qazaqstan Ulttyq Banki Pavlodar fılıalynyń qarjylyq operatsııalardy baqylaý bóliminiń basshysy Qymbat Týrgýldınova aıtty. "Jergilikti tutynýshylar aǵymdaǵy jyldyń qańtar aıynda barlyǵy 1,085 myń kóleminde Eýro satyp alǵan bolsa, maýsym aıynda ol kórsetkish 2,081 myńǵa jetti. ıAǵnı eki esege deıin artyp otyr. Sebebi, jaz aıy sheteldik valıýtalardyń eń kóp aınalymǵa túsetin mezgili. Osy ýaqytta shet memleketterge demalysqa shyǵýshylar men saýda-sattyq jasaýshylardyń qatary artady. Ásirese, Germanııa men Reseıge barýshylardyń qarasy qalyń", - deıdi Qymbat Týrgýldınova.
Bólim basshysynyń aıtýynsha, jyl basynan beri Qazaqstan Ulttyq Banki tarapynan ekinshi deńgeıli banketerdegi aıyrbastaý pýnktterine 20 kýálik berilgen. Byltyr toǵyz aıyrbastaý pýnkti alǵan. Ýákiletti bankterdegi aıyrbastý pýnktterdiń jalpy sany 114-ti quraıdy. Onyń 73-i Pavlodar, 24-i Ekibastuz, 7-i Aqsý jáne 10-y aýdan ortalyqtarynda. ıAǵnı, Ýspen, Lebıaji, Baıanaýyl, Jelezın, Aqsý, Ertis, Kachır, Sharbaqty aýdandary men Maıqaıyń kentinde. Al, ýákiletti mekemelerde ornalasqan aıyrbastaý pýnktterdiń sany - 25. Onyń 22-si Pavlodarda, ekeýi Ekibastuzda, bireýi Aqsýda. Mamandardyń sózinshe, bıyl aqsha aıyrbasyna baılanysty 13 ákimshilik is qozǵalǵan. Onyń ekeýi sot sheshimimen toqtatyldy.
Al, jalpy sany 11 ýákiletti organdar men zańdy tulǵalarǵa ákimshilik aıyppul salyndy.
