Pavlodarda esirtkige elitken azamat avtobýs júrgizgen

PAVLODAR. KAZINFORM - Óńirde «Avtobýs» jedel aldyn alý is-sharasy ótip jatyr. Qazirdiń ózinde qoǵamdyq kólik júrgizýshileriniń jol erejesin buzýy boıynsha 53 fakti tirkeldi.

Júrgizýshilerdiń kópshiligi manevr jasaý erejelerin buzǵany úshin jaýapqa tartylady. Rýlde uıaly telefondy paıdalanǵany úshin 13 adam jazalansa, avtokólikti zańsyz qaıta jabdyqtaýdyń 5 faktisi jáne mas kúıinde avtokólikti júrgizýdiń eki faktisi anyqtaldy. Aıyppul turaǵyna 5 kólik qoıyldy.

«Mysaly, Pavlodar qalasynyń Akademık Shókın kóshesinde «Folksvagen» avtobýsynyń óte baıaý qozǵalǵany polıtseılerdiń nazaryna ilikken. Tártip saqshylary kólikti toqtatyp, kúdik týdyrǵan júrgizýshige medıtsınalyq saraptama taǵaıyndady. Azamattyń esirtki shegip, rýlge jaıǵasqany anyqtaldy. Sot ony 15 táýlikke ákimshilik qamaýǵa aldy. Avtokólik arnaıy turaqqa qoıyldy», - dep habarlady Pavlodar qalasy polıtsııa bólimi patrýldik polıtsııa batalonynyń komandıri Aıdar Slambekov.

Tártip saqshylary avtobýs júrgizýshileri ózderi tasymaldaıtyn jolaýshylardyń qaýipsizdigi úshin úlken jaýapkershilik ıelenetinin eske salady.

Eske sala keteıik, «Qazposhta» arqyly jiberilgen kosmetıka buıymdarynyń arasynan esirtki tabyldy.