Pavlodarda esirtkige eltigen júrgizýshi ustaldy
ASTANA. QazAqparat - Pavlodar oblysynda qylmyspen kúresýdi kúsheıtý, quqyqbuzýshylyqtyń aldyn alý jáne «Naýryz meıramyn» atap ótýge oraı qoǵamdyq qaýipsizdikti qamtamasyz etý maqsatynda «Quqyqtyq tártip» jedel aldyn alý is-sharasy ótýde, dep habarlaıdy pavlodarnews.
Bul týraly oblystyq ІІD-niń baspasóz qyzmeti habarlady. Birinshi kúni polıtseıler shamamen ákimshilik zańdylyqtyń 800 buzýshylyǵyn anyqtady. Onyń ishinde: avtokólikti mas kúıinde aıdaýdyń toǵyz faktisi, shaǵyn buzaqylyqtyń 63 faktisi, kóshelerde jáne qoǵamdyq oryndarda alkagoldi ishimdik ishýdiń 137 faktisi, avtokólik júrgizýshileriniń belgilengen qozǵalys jyldamdyǵyn joǵarlatýdyń 62 faktisi jáne qaýipsizdik beldigin taqpaı avtokólikti aıdaýdyń 82 faktisi tirkeldi.
1Pavlodar qalasynyń Gagarın - Pahomov kósheleriniń qıylysynda polıtsııa qyzmetkerleri BMW avtomashınasyn toqtatty. Qujattardy tekserý barysynda polıtseıler avtokólik júrgizýshisiniń bir túrli jaǵdaıyna kúdiktendi. Polıtseılerdiń kúdigin medıtsınalyq kýálandyrý rastady. Onyń qorytyndysy boıynsha 30 jastaǵy er adam esirtkige mas bolǵan. Júrgizýshi QRÁPjK 608-babynyń 7-bólimi boıynsha ákimshilik jaýapkershilikke tartyldy1, - deıdi baspasóz qyzmetinde.
Budan basqa, tártip saqshylary oblys ortalyǵynyń turǵyny 32 jastaǵy pavlodarlyqtan pnevmatıkalyq tapanshany alǵan. Saraptama taǵaıyndaldy. Jol-patrýldik polıtsııasy batalonynyń polıtseıleri 23 jastaǵy pavlodarlyqty ustap, aqyrǵydan sur-jasyl ósimdik tektes zat polıetılendi paket tabyldy jáne alyndy. Saraptama taǵaıyndaldy.
Naýryz meıramy kúnderi azamattardyń tynysh demalýyn, qoǵamdyq tártip pen jol qaýipsizdigin saqtaýdy qamtamasyz etý úshin oblys polıtseıleri qyzmet ótkerýdiń kúsheıtilgen nysanyna kóshti. Táýlik boıy polıtsııa narıadtary oblystyń barlyq eldi mekenderinde patrýldeıdi.
