Pavlodarda esirtki jarnamalaǵan QR-taqtaıshalar alyndy
Áleýmettik jelidegi paraqshalardyń birinde qalalyq mádenı eskertkishterinde ornatylǵan aqparattyq taqtaıshalardaǵy QR-kod esirtki jarnamalaıtyn saıtqa silteme jasap turǵany belgili boldy.
Oblystyq mádenıet, tilderdi damytý jáne muraǵat basqarmasynyń málimetinshe, QR-kody bar taqtaıshalardyń qoldanylýy G. Potanın atyndaǵy tarıhı-ólketaný murajaıy men bir jeke kásipkerdiń qadaǵalaýynda bolǵan.
«Murajaımen jáne jeke kásipkermen shart 2018 jyly jasalǵan. Merzimi bir jylǵa deıin boldy. Qazir barlyq taqtaıshalar alynyp tastaldy», – dedi basqaramada.
Sondaı-aq vedomstvoda QR kodtaǵy aqparatty jáne eskertkishterdiń tizimin G. Potanın atyndaǵy oblystyq tarıhı-ólketaný murajaıynyń saıtyna bekitý boıynsha jumystar júrgizilip jatqanyn habarlady.
Aıta keteıik, Pavlodarda 2018 jyly barlyq eskertkishterge QR kody bar taqtaıshalar qoıyldy. Smartfon arqyly eskertkishtiń tarıhymen tanysýǵa múmkindik bolatyn. Aqparat eki tilde usynylǵan edi.
