Pavlodarda esirtki satýshy stýdent ustaldy
«Pavlodar oblysynyń polıtsııa departamenti esirtki qylmysyna qarsy kúres bólimsheleriniń qyzmetkerlerine jas jigittiń zańsyz zattardy taratýmen aınalysqany týraly jedel derekkózderden aqparat tústi», - dep habarlady jýrnalısterge Pavlodar oblystyq polıtsııa departamentiniń baspasóz qyzmeti.
Vedomstvo basshysynyń orynbasary Bolat Nurseıitov arnaıy is-sharalar barysynda kúdiktiniń anyqtalyp, ustalǵanyn aıtty.
«Ol Pavlodar qalasyndaǵy oqý oryndarynyń biriniń 19 jastaǵy stýdenti bolyp shyqty. Jas jigitten untaqty zat salynǵan 13 býma tárkilendi, saraptama qorytyndysy boıynsha salmaǵy 12 gramnan asatyn sıntetıkalyq esirtki zattary ekeni anyqtaldy», - dedi B.Nurseıitov.
Atalǵan fakti boıynsha QR Qylmystyq kodeksiniń 297-baby 2-bóligi boıynsha sotqa deıingi tergeý amaldary júrgizilýde. Kúdikti ýaqytsha ustaý ızolıatoryna qamaldy, dep habarlady Pavlodar oblystyq polıtsııa departamenti bastyǵynyń orynbasary.
«Kúdiktiniń ınternet arqyly esirtki dúkenderiniń birine kýrer bolyp jumysqa ornalasqany qaralyp jatyr. Aıyptalýshy olardy úıinde bir rettik dozaǵa orap, qala boıynsha taratqan», - dep atap ótti PD.
