Pavlodarda esirtki satýmen aınalysqan qylmystyq top músheleri uzaq merzimge sottaldy
Oblystyq polıtsııa departamenti baspasóz qyzmetiniń málimeti boıynsha, uıymdasqan qylmystyq toptyń músheleri esirtki saýdasymen aınalysqany úshin túrli merzimge bas bostandyǵynan aıyrylǵan.
- Buryn sottalǵan 64 jastaǵy pavlodarlyq 2019 jyldyń shildesinde segiz adamnan turatyn qylmystyq top qurǵan. Onyń beseýi - uıymdastyrýshynyń týystary. Top elimizdiń ońtústik óńirlerinen Pavlodarǵa esirtki jetkizýdi uıymdastyrǵan. Jedel ýákilder olardy kezekti partııany satýǵa áreket jasaǵan kezde ustady. Uıymdasqan qylmystyq top múshelerinen 200 keli marıhýana, asa iri mólsherdegi gashısh jáne geroın, sondaı-aq «Braýnıng» markaly atys qarýy tárkilendi, - dedi Pavlodar oblysy polıtsııa departamentiniń esirtki qylmysyna qarsy is-qımyl basqarmasynyń bastyǵy Qýat Túsipbekov.
Polıtsııa barlyq segiz adamnyń asa iri kólemde esirtki satqany, uıymdasqan qylmystyq topty qurǵany jáne oǵan qatysqany, sondaı-aq atys qarýyn saqtaǵany úshin sot úkimimen 16-18 jylǵa bas bostandyǵynan aıyrylǵanyn atap ótti.
