Pavlodarda esirtki prıtony joıyldy

PAVLODAR. QazAqparat – Pavlodar oblysy polıtsııa departamentiniń esirtki qylmysyna qarsy is-qımyl bólimshesiniń jedel qyzmetkerleri esirtki prıtonyn joıdy. Bul týraly QazAqparat polisia.kz telegram kanalyna silteme jasap habarlaıdy.

Pavlodar qalasynyń 37 jastaǵy turǵyny «esirtkini birlesip paıdalaný úshin nashaqorlarǵa óz úıin júıeli túrde berdi» degen kúdikke ilingen. Tintý is-sharalary barysynda jedel qyzmetkerler shprıtsterdi, bos qutylardy, kúıe izderi bar ydystardy, sondaı-aq esirtkini paıdalaný úshin qoldanatyn ózge de zattardy taýyp, tárkiledi.

«Atalǵan derek boıynsha QR QK-niń 297-baby 1-bóligimen sotqa deıingi tergeý júrgizilip jatyr. Kúdikti Pavlodar qalasy PB ÝUI-ǵa qamaýǵa alyndy», - dep habarlady Pavlodar oblysy PD EQQKB bastyǵynyń mindetin atqarýshy Arsen Aıǵazın.