Pavlodarda esirtki qoıýmen aınalysqan shetel azamattary ustaldy

Pavlodarda Pavlodarda esirtki qoıýmen aınalysqan shetel azamattary ustaldy, dep habarlaıdy QazAqparat QR ІІM baspasóz qyzmetine silteme jasap.

Pavlodar qalasynyń prokýratýrasy bastamashylyq etken jedel-izdestirý is-sharalarynyń nátıjesi boıynsha polıtsııa qyzmetkerleri 1987 jyly týǵan Túrkııa azamaty A-ny ustady, odan aq tústi untaq zaty bar polıetılen paket tárkilendi.

Ustalǵan adamnyń telefonyn tekserý barysynda esirtki salǵan 2 oryn anyqtaldy, onda osyǵan uqsas zattary bar 2 paket alyndy.

Sonymen qatar tintý barysynda ustalǵan adamnyń úıinen esirtki salynǵan oraýysh materıal jáne «mefedron» zaty salynǵan paket tárkilendi, bul saraptamamen rastaldy.

Bul fakti SDTBT-da QR QK 297-baby 3-bóligi 1,5-tarmaqtary (adamdar tobynyń aldyn ala sóz baılasý, aqparattyq resýrstardy paıdalaný arqyly jasaǵan psıhotroptyq zattardyń analogtaryn ótkizý maqsatynda zańsyz satyp alý, saqtaý, tasymaldaý) boıynsha tirkelgen. Tergeý sotynyń sanktsııasymen azamat A. 2 aıǵa qamaýǵa alyndy.

Qazirgi ýaqytta bul is boıynsha sybaılasy 1982 jyly týǵan RF azamaty K. ustaldy, oǵan qatysty sot qamaýda ustaý túrindegi bultartpaý sharasyn sanktsııalady.