Pavlodarda Ertis-Ýspen kanalynyń qurylysy bıyl kúzge deıin aıaqtalýy kerek

PAVLODAR. KAZINFORM -Jańa kanaldyń arqasynda 10 myń gektar jerdi sýarýǵa bolady. Nátıjesinde jylyna qosymsha 500 myń tonna aýyl sharýashylyq daqyldaryn óndirý múmkindigi bar.

Ertis-Ýspen kanalynyń qurylysy keńes zamanynda qolǵa alynyp, keıin toqtap qalǵan. Uzaq jyldar turyp qalýyna baılanysty onyń túbine shóp ósip, salynǵan beton plıtalaryn el-jurt taratyp alyp ketken. 2020 jyly sý qurylysy qaıtadan qolǵa alyndy. Joba boıynsha kanaldyń uzyndyǵy - 13 shaqyrym. Biraq qurylys jumystary sońǵy eki jylda saıabyrlap qalǵan

Pavlodar oblysynyń ákimdiginen habarlaǵandaı, Ertis-Ýspen sý arnasynyń qurylysy bıylǵy jyldyń qarasha aıynda tolyq tapsyrylýy kerek. Qazirgi ýaqytqa deıin qurylys jumystarynyń 50 paıyzy aıaqtalǵan. Kanalda jańadan sý sorǵy stansasy men jasandy sý jınaǵyyshtar salynady dep josparlanǵan. Nysan tolyqtaı iske qosylsa, 10 myń gektar jerdi sýarmaly alqaptarǵa aınaldyrýǵa bolady. Sharýashylyqtar onyń nátıjesinde 500 myń tonna aýyl sharýashylyq daqyldaryn ósire alady.

Pavlodar oblysynyń ákimi Asaıyn Baıhanovtyń sózinshe, qazirgi ýaqytta óńir aýmaǵynda 169,5 myń gektar sýarylatyn jer bar. Іs júzinde bul aýmaqtyń tek 72 myń gektary ǵana sýarylady. Keleshekte oblysta jalpy kólemi 300 myń gektardy jerdi sýarmaly alqapqa aınaldyrý jospary tur.

Eske sala keteıik, byltyr Pavlodar oblysynda 6 joba júzege asyp, jańadan 3,3 myń gektar iske qosylǵan.