Pavlodarda Ertis ózeniniń ústinen salynyp jatqan jańa kópir 2027 jyly tapsyrylady
PAVLODAR. KAZINFORM — «QazAvtoJol» AQ habarlaǵandaı, jańa avtokólik kópiriniń jobasyna 71,6 mlrd teńge bólingen. Qurylys kestege sáıkes júrip jatyr.
Pavlodar qalasynan Astanaǵa shyǵatyn baǵytta Ertis ózeni ústinen jańa avtokólik kópiri salynyp jatqaly jyldan asty. Jańa kópir tórt jolaqty, jalpy uzyndyǵy 691 metr bolady. Zamanǵa saı tehnologııalar qoldanylyp jatqan qurylysty mamandar 2027 jylǵa deıin tapsyratyndaryn málimdedi.
— Jańa kópir ashylǵan soń qazirgi eski avtokópirdi buzý josparlanyp qoıǵan. Atalǵan eski qurylystyń salynǵanyna 60 jyldan asyp ketti. Sondyqtan ony ári qaraı paıdalaný, tipti jaıaý júrginshiler kópiri etip qaldyrý da qaýipti. Ony buzý, qaldyqtaryn tasymaldaý jumystaryn merdiger kompanııa shamamen 14 aı júrgizedi, — dep habarlady «QazAvtoJol» AQ Pavlodar oblystyq fılıaly dırektorynyń orynbasary Almat Shoıynbaev.
Ol qurylysyna 71,6 mlrd teńge bólingen kópir qurylysy kestege sáıkes, tıisti qarqynda júrip jatqanyn atap ótti.
Eske sala keteıik, Óskemende Ertis arqyly ótetin jańa kópirdiń jobasy ázirlenip jatyr.