Pavlodarda Ertis ózenine batyp ketken er adamdy izdeý jumystary qaıta jandandy

PAVLODAR. KAZINFORM - Qutqarýshylar ózendegi sý deńgeıiniń kóterilýine baılanysty sáýir aıynyń sońynda izdeý sharalary ýaqytsha toqtatylǵanyn málimdegen edi.

2 sáýir kúni túnde Ertis ózeninde demalýshylardyń biri jaǵaǵa baılanǵan barjadan sýǵa sekirip, keıin sý betine shyqpaǵan.

Aldyn ala málimetter boıynsha, bir top azamat álgi jerde balyq aýlap, ishimdik ishken. Oqıǵa ornyna tótenshe jaǵdaılar departamentiniń kúshteri jumyldyrylyp, marqumnyń denesi úsh aptaǵa jýyq izdeldi. Keıin izdeý sharalary ýaqytsha doǵarylǵan.

Óńirlik tótenshe jaǵdaılar departamentiniń baspasóz qyzmetinen habarlaǵandaı, qazirgi ýaqytta izdeý jumystary qaıta jalǵasqan. Іzdeý sharalaryna qutqarý qyzmetiniń 5 qyzmetkeri men 2 júzý quraly tartylǵan.

- Osy ýaqytqa deıin qutqarýshylar 300 kılometrden astam ózen arnasyn sholyp shyqty. Eholot ornatylǵan júzý quraly paıdalanylýda. Alynǵan sıgnaldar boıynsha súńgýirler ózenge súńgip, yqtımal jerlerdi tekserip jatyr,-dep málimdedi departamentten.

Eske sala keteıik, Ertis ózeninde er adam barjadan sekirip, sýǵa batyp ketti. 

Keıin sý deńgeıiniń kóterilýine baılanysty Ertiske batqan adamdy izdeý ýaqytsha toqtatyldy.